Presidenti rus, Vladimir Putin dhe lideri i Koresë së Veriut, Kim Jong Un kanë zhvilluar takimin e pritur mes tyre, këtë të mërkurë. Takimi u zhvillua në në qendrën hapësinore të Vostochny Cosmodrome të Rusisë. Përpara takimit, Putin deklaroi se liderët e dy vendeve kanë shumë për të diskutuar dhe theksoi se në fokus do të jetë forcimi i bashkëpunimit.
“Jam shumë i lumtur që ju shoh dhe ju mirëpres sërish në Rusi. Këtë herë, siç ramë dakord, në Kozmodromin Vostochny, “tha Putin ndërsa ishte ulur përkrah Kim. “Sigurisht, ne duhet të flasim për çështjet e bashkëpunimit ekonomik, çështjet humanitare dhe situatën në rajon. Kemi shumë pyetje për të diskutuar.”
Kim falënderoi Putin për ftesën e tij dhe tha se të dy vendet kanë shumë çështje për të cilat mund të bashkëpunojnë.
“Axhenda midis vendeve tona, duke përfshirë çështjet politike, ekonomike dhe kulturore; dhe ka shumë çështje që të dy vendet tona duhet të bashkëpunojnë. Në këtë situatë, besoj se ky moment do të shërbejë për të ngritur marrëdhëniet tona dypalëshe në hapin tjetër, në një lartësi të re”, tha Kim.
Udhëheqësi i Koresë së Veriut deklaroi se ishte një nder që takimi po mbahej në një vend të veçantë, një vend që është si zemra e fuqisë hapësinore.
Kim vlerësoi gjithashtu Rusinë që sipas tij u ngrit kundër forcave hegjemoniste për të mbrojtur sovranitetin dhe sigurinë e saj. Nga ana tjetër, ai shprehu mbështetje të plotë dhe të pakushtëzuar për gjithçka që Rusia bën.
