President i Venezuelës Nicolas Maduro por edhe rivali i tij opozitar Edmundo Gonzalez pretendojnë fitoren e zgjedhjeve pas votimeve të së dielës të cilat u shoqëruan me akuza për parregullsi dhe incidente dhune.
Autoriteti zgjedhor i vendit deklaroi se Maduro ka fituar një mandat të tretë me 51% të votave, pavarësisht rezultateve paraprake që treguan një fitore të opozitës.
Autoriteti beri te ditur se kandidati i opozitës Gonzalez fitoi 44% të votave, megjithëse ai kishte më parë se kishte arsye për të festuar dhe u kërkoi mbështetësve të vazhdonin të monitoronin numërimin e votave.
Edhe Maduro bëri një dalje nga pallati presidencial në Karakas ku tha se rizgjedhja e tij është një triumfi i paqes dhe stabilitetit ndërsa mohoi akuzat për parregullsi zgjedhore.
Komuniteti ndërkombëtar ka parë me skepticizëm zhvillimet e fundit në Venezuelë.
Sekretari amerikan i shtetit tha se ka shqetësime serioze se rezultati i këtyre zgjedhjeve nuk shpreh vullnetin e popullit.
Nicolas Maduro është në krye të shtetit që kur vdiq presidenti socialist, Hugo Chavez më 2013. Qeveria e Maduros ka udhëhequr shtetin që është përballur me një kolaps ekonomik, me emigrimin e pothuajse një të tretës së popullsisë dhe me përkeqësimin e raporteve diplomatike. Gjatë qeverisjes së tij, vendi është përballur me sanksione të ashpra të SHBA-së dhe Bashkimit Evropian që kanë goditur industrinë e naftës./vizionplus.tv
