Karriera e Romelu Lukaku duket më larg Interit cdo ditë e më shumë. Fillimisht u tha se ylli i skuadrës zikaltër është i pashitshëm për klubin, por ofertat e fundit drejtuar futbollistit belg i kanë tunduar jo pak drejtuesit zikaltër. Këtë të hënë klubi refuzoi plot 100 milionë euro plus kartonin e Marko Alonsos nga Chelsea por blutë e londrës nuk janë dorëzuar dhe kanë provuar sërish të suprizojnë me ofertat e tyre. 120 milionë euro plus 8 milionë në formë bonuse është oferta e cmendur e anglezëve në këmbim të shërbimeve të sulmuesit.
Përvec kësaj përfitim marramëndës ka dhe vetë futbollisti pasi në Londër paga e tij do të dyfishohet në 15 milionë euro nga 8.5 milionë që merr aktualisht tek zikaltërit, duke u kthyer kështu në futbollistin më të paguar në historinë e Chelsea.
Situata e vështirë ekonomike në klubin italian ka bërë që të krijohen shumë probleme. Kjo u pa qartë edhe tek mbyllja e bashkëpunimit me trajnerit që i dha titullin edicionin e kaluar apo shitja e një prej futbollistëve më të rëndëshëm si Hakimi. E sikur të mos mjaftohej me kaq, sipas mediave të njohura angleze, Interi i detyrohet dhe 55 milionë euro të tjera United pas akordit që “Djajtë e Kuq” bënë me milanezët në verën e 2019.
Revoltë ka pasur dhe nga ultrasit e zikaltërve të cilët hapën një pankart se seancën e fundit stërvitore me mbishkrimin: Kujdes! Premtimet duhen mbajtur!
Megjithatë gjasat që sulmuesi belg të qëndrojë në Itali janë shumë të pakta edhe pse ende nuk është dhënë një deklaratë zyrtare nga klubi apo vetë lojtari.
