Artileria ruse goditi sot një supermarket në qytetin ukrainas Kostiantynivka, në rajonin e Donetskut, duke vrarë të paktën 11 persona dhe plagosur 37 të tjerë, sipas Ministrisë së Brendshme të Ukrainës.
Në një mesazh në platformën Telegram, ministri i Brendshëm Igor Klimenko ka sqaruar se sulmi ka shkaktuar zjarr në supermarket, i cili është vënë nën kontroll nga zjarrfikësit, ndërsa dëme janë shkaktuar edhe në objektet e banimit në këtë qytet.
“Ka njerëz nën rrënoja. Një operacion shpëtimi është duke u zhvilluar dhe ne do të bëjmë gjithçka për t’i shpëtuar ata ”, shkroi presidenti ukrainas Volodymyr Zelensky në Tëitter.
Në fotot nga vendi i sulmit, të postuara nga guvernatori i qarkut Vadim Filashkin në platformën Telegram , tregohet tym i zi i dendur që ngrihet nga ndërtesa e dëmtuar.
Forcat e Moskës kontrollojnë zona të mëdha të rajonit të Donetskut. Zonat e saj të kontrolluara nga ukrainasit bombardohen rregullisht nga artileria dhe forcat ajrore ruse./vizionplus.tv