Dje te protesta për Teatrin, pakkujt i ra në sy një skenë dhune e ndyrë. Rrahën një artist.
Nuk është artist i teatrit, është artist vizual, është fytyra e Shqipërisë në shumë ekspozita ndërkombëtare nga Qendra Pompidou në Francë, Muzeu i Artit Bashkëkohor Hungarez, deri në Edicionin e 54 të Bienales Ndërkombëtare të Artit në Venecia.
Është artist rebel. Antikonformist. Se ndryshe nuk ke si je artist. Proteston nëpërmjet mënyrës që krijon.Dje ishte në protestë. Për teatrin. I ulur në trotuar me një shishe uji në dorë.
Video kur e qëllojnë dhe hedhin në tokë është video ulëritëse e ditës së djeshme.
Është po aq e dhimbshme sa rënia e teatrit, sepse ajo është rënia e artistit. E qëllojnë dhe hedhin në tokë.
Dëshmitarët në protestë tregojnë se sherri ka ndodhur, sepse në atë moment ka ardhur Lulzim Basha dhe artistët kanë bërtititur “ Basha Ik, Monika Ik”. Dy nga militantët e kanë rrahur.