Një krizë e energjisë që po kalon Kina rrezikon rritjen e çmimit të ushqimit në të gjithë botën. Mbledhja e prodhimit në prodhuesin kryesor bujqësor vjen në një kohë kur ekonomia numër 2 e botës po përballet me mungesa të energjisë në qendrat industriale që kërcënojnë të ngadalësojnë rritjen.
Ndër më të goditurat janë provincat verilindore si Jilin, Liaoning dhe Heilongjiang – ku rritet rreth gjysma e misrit dhe sojës që prodhon vendi.
Disa uzinave u është kërkuar të pezullojnë prodhimin, në mënyrë që të kursejnë energji dhe kjo pritet të ndikojë te përpunimi i misrit, sojës, kikirikëve dhe pambukut, raporton Bloomberg.
Vitin e kaluar, Kina importoi një sasi rekord produktesh bujqësore për shkak të mungesës së brendshme dhe rritjes së çmimeve dhe kostove globale të ushqimit.
Vendi duhet të sigurojë furnizim me energji të mjaftueshme për të vazhduar realizuar planet për mbledhjen e prodhimit të vjeshtës.
Disa kompani kanë blerë gjeneratorë rezervë në rast të ndërprerjeve të zgjatura të energjisë, raporton Futures Daily, duke cituar tregtarët dhe prodhuesit.
Energjia elektrike është e nevojshme për tharjen e të lashtave, një proces i rëndësishëm para ruajtjes dhe shitjes. Cilësia e misrit dhe kikirikëve mund të dëmtohet nëse nuk përpunohen në kohë.
