Koronavirusi ka qenë prezent në dy qytete të mëdha në veri të Italisë, që në muajin dhjetor. Sipas mediave të huaj, vetëm dy muaj më vonë është zbuluar rasti i parë nga autoritetet shëndetësore.
Sipas një studimi të bërë publik nga Instituti Kombëtar i Shëndetit, gjurmë të virusit janë gjetur në ujërat e zeza të Milanos dhe Torinos në fund të vitit të shkuar, ndërsa në Bolonja, në fillim të janarit.
Instituti ka analizuar kampionë të ujërave të zeza të mbledhura nga tetori i vitit 2019 deri në shkurt të 2020, atëherë dhe kur Covid-19 goditi zyrtarisht Italinë.
Advertisement
Kampionët e mbledhur në muajt tetor dhe nëntor rezultuan negativë, duke treguar kështu se virusi nuk ka mbërritur në Itali përpara dhjetorit 2019.
