Kryeministri i Greqisë, Kyriakos Mitsotakis tha sot se kthimi për në Turqi i anijes kërkimore turke “Oruc Reis” është hapi i parë pozitiv në shtendosjen e tensioneve në mes të dy vendeve.
Anija kërkimore “Oruc Reis” është rikthyer në Antali.
Tensionet mes Greqisë dhe Turqisë u rritën së fundmi lidhur me pretendimet e të dyja palëve për burimet natyrale Mesdheun Lindor.
“Kthimi i ‘Oruc Reis’ është hapi i parë pozitiv. Shpresoj që të ketë vazhdimësi në këtë aspekt. Ne duam të bisedojmë me Turqinë, por në një klimë ku nuk do të ketë provokime”, u tha në gazetarëve në Selanik, kryeministri grek, Mitsotakis.
Ai tha se dialogu është mënyra e vetme për të tejkaluar problemet që kanë dy shtetet sa i përket përcaktimit të kufirit ujor.
“Hapi i parë (nga Turqia) do të përmirësojë situatën sa i përket marrëdhënieve tona dypalëshe”, tha ai.
Tensionet mes Athinës dhe Ankarasë u përkeqësuan, pasi Turqia rinisi kërkimet për gaz dhe naftë jashtë ishullit grek Kastellorizo.
Turqia dërgoi anijen kërkimore “Oruc Reis” të shoqëruar nga anijet ushtarake, duke bërë që Greqia të dërgonte anijet e veta në zonë për të monitoruar punën e Turqisë./ Rel
The post Konflikti në Mesdhe/ Mitsotakis: Tërheqja e anijes kërkimore turke, një hap pozitiv appeared first on Vizion Plus.