Franca, Gjermania, Italia dhe Polonia nënshkruan sot një marrëveshje për të zhvilluar raketa me një rreze veprimi prej më shumë se 500 kilometrash për të mbushur boshllëkun në arsenalin e Evropës që ata thonë se u ekspozua nga lufta e Rusisë kundër Ukrainës.
Duke folur në margjinat e samitit të NATO-s në Uashington pas ceremonisë së nënshkrimit, ministri francez i mbrojtjes Sebastien Lecourny tha se raketa e re kishte për qëllim parandalimin. Ai la të kuptohet gjithashtu se edhe Britania mund t’i bashkohet grupit të vendeve partnere.
Drafti i parë i armës mund të jetë gati deri në fund të vitit, por specifikimet e sakta të saj, si rrezja, do të detajohen më vonë.
Dje, SHBA dhe Gjermania njoftuan se do të fillojnë vendosjen e raketave amerikane me rreze të gjatë veprimi në tokën gjermane në vitin 2026.
Ndër të tjera do të zhvillohen raketa SM-6, Tomahawk dhe armë të reja hipersonike./vizionplus.tv