Autoritete spanjolle kanë sekuestruar 7.2 ton kokainë, ndërsa kanë vënë në pranga 4 persona.
Mediat spanjolle shkruajnë se kjo është sasia më e madhe e kokainës e kapur në rajonin e Galicës.
”Agjentët zbuluan një sasi të madhe prej 7,2 tonë kokainë në një depozitë me peshk të ngrirë nga Amerika e Jugut. Kjo është sasia më e madhe e kokainës e kapur për një kohë të gjatë në rajonin e Galicisë në veriperëndim të Spanjës. Fillimisht ishte e paqartë nga cili vend i Amerikës së Jugut vinte kontejneri”, shkruan radiostacioni ”Cadena Ser”.
Sipas mediave iberike vlera e kokainës së kapur arrin në 500 milionë euro.
Sipas të dhënave të Kombeve të Bashkuara, prodhimi vjetor i vlerësuar global i pluhurit të bardhë në vitin 2021 do të ishte rreth 2 300 tonë.
