Kamikazi u nis me makinë drejt aeroportit të Kabulit/ Si e parandaloi SHBA sulmin e radhës

SHBA sot kreu një sulm ushtarak ndaj anëtarëve të dyshuar të grupit terrorist ISIS-K.

Zyrtarët amerikanë sqaruan se bëhej fjalë një sulm ajror me dron, që kishte në shënjestër një kamikaze që ndodhej në një automjet. Ai synonte të kryente sulm e radhës terrorist në aeroportin e Kabulit.

“Ne jemi të bindur se kemi arritur objektivin që synonim. Raportet fillestare tregojnë se nuk ka viktima”, tha një zyrtar amerikan.

Sipas “Associated Press”, edhe një zëdhënës i talebanëve konfimroi se nga sulmi ajror amerikan kishte vënë nën shënjestër një terrorist që udhëtonte me makinë.