Ministri i Jashtëm i Jordanisë, Ayman Safadi, u ka bërë thirrje vendeve që të bëjnë presion ndaj Izraelit për të parandaluar një pushtim tokësor të Rafahut në jug të Gazës.
“Të gjithë duhet të bëjnë presion mbi Izraelin për ta parandaluar atë të sulmojë Rafahun. Një sulm i tillë do të ishte një masakër tjetër,” shkroi ai në X të hënën, raporton CNN.
Safadi shtoi se “radikalët në qeverinë izraelite po shtyjnë një shpërthim në Bregun Perëndimor”.
Kryeministri izraelit Benjamin Netanyahu tha në fillim të këtij muaji se një datë për një ofensivë tokësore në Rafah është caktuar dhe se “hyrja në Rafah” ishte e nevojshme për një “fitore të plotë ndaj Hamasit”.
Rafah, në pjesën më jugore të enklavës së rrethuar, është vendi ku rreth 1.5 milionë palestinezë vlerësohet të jenë strehuar pasi kanë ikur nga luftimet në veri.
