Nga kjo e mërkurë, në Britaninë e Madhe do të zbatohet një strategji e re për menaxhimin e pandemisë e cila synon të shmangë izolimin në rang kombëtar si dhe mbylljen e ekonomisë. Kryeministri Boris Johnson prezantoi sistemin me tre faza që do të aplikohet lokalisht.
BORIS JOHNSON
KRYEMINISTER I BRITANISE SE MADHE
Advertisementgoogle_ad_client = "ca-pub-9470492314070355"; google_ad_slot = "5632655076"; google_ad_width = 300; google_ad_height = 250; google_page_url ="http://www.zhaku.net/";
“Nuk kam ndërmend të imponoj të njëjtat masa që do të shkatërronin ekonominë e vendit. Sistemi i ri me tre nivele të kufizimeve do të klasifikojë cdo zonë si në gatishmëri të mesme, të lartë ose shumë të lartë . Qeveria do të punojë me këshillat vendorë mbi masat shtesë për secilën zonë. Dyqanet, shkollat dhe universitetet do të qëndrojnë të hapura në cdo rast.”
Ndërkohë Amnesty International vëren se Britania e Madhe ka dështuar me politikat e saj në fazën e parë të pandemisë dhe i ka lënë të vdesin të moshuarit në azile. Organizata me mbi 7 milion anëtarë dhe mbështetës në të gjithë botën, më herët ka kritikuar edhe Francën si dhe vende të tjera, për aplikimin e masave drakoniane gjatë pandemisë, që shkelin të drejtat e njeriut.
Ndërkohë, protestat në shumë vedne të botës vijojnë. Mijëra argjentinas kanë bllokuar rrugët në disa qytete duke kërkuar drejtësi dhe liri.
Protestuesit kundërshtojnë qeverinë në rrugën që ka zgjedhur për menaxhimin e krizës shëndetësore duke e fajësuar edhe për krizën ekonomike.