Protestuesit izraelitë të ekstremit të djathtë sulmuan një bazë ushtarake në shenjë mbështetjeje për ushtarët e akuzuar për abuzim serioz me një të burgosur palestinez.
Një turmë e madhe protestuesish u mblodhën jashtë kampit Sde Teiman menjëherë pasi policia ushtarake izraelite hyri në të për të arrestuar rezervistët, të cilët tani janë nën hetim zyrtar.
Kryeministri Benjamin Netanyahu lëshoi një deklaratë duke dënuar ashpër incidentin.
Protestuesit gjithashtu sulmuan një bazë të dytë ushtarake, ku rezervistët u dërguan për t’u marrë në pyetje, por një zëdhënës i policisë tha se forcat e policisë ishin në gjendje ta evakuonin atë.
Sde Teiman, afër Beersheba në jug të Izraelit, ka qenë prej muajsh në qendër të raporteve për abuzime serioze të të burgosurve palestinezë nga Gaza .
Sipas raportimeve të mediave lokale, të paktën nëntë ushtarë izraelitë në bazë akuzohen se kanë abuzuar me një të burgosur palestineze e cili u arrestua në Gaza dhe dyshohet se ishte anëtar i Hamasit.
Ajo thuhet se është shtruar në spital pas abuzimit të rëndë seksual, sipas raporteve të mediave izraelite.
Ushtria izraelite tha se prokurori i përgjithshëm kishte urdhëruar një hetim ” pas dyshimeve për abuzim të të burgosurve “.