Udhëheqësi suprem i Iranit ndaloi të premten importin e vaksinave kundër COVID të prodhuara nga Amerika dhe Britania e Madhe, me pretendimin se ishin “plotësisht të pabesueshme”.
“Importimi i vaksinave të bëra në SH.B.A. ose Mbretërinë e Bashkuar është i ndaluar,” tha Ali Khamenei.
Republika Islamike ka raportuar më shumë se 1.2 milionë raste të koronavirusit, virus i cili ka shkaktuar mbi 56,000 vdekje.
Irani ka akuzuar armikun kryesor SHBA për pengimin e aksesit të saj në vaksina përmes një regjimi të ashpër sanksionesh.
Advertisement
Irani nisi provat njerëzore të testit të tij të parë të vaksinave COVID-19 në fund të dhjetorit, duke thënë se kjo mund të ndihmojë Iranin të mposhtë pandeminë pavarësisht sanksioneve të SHBA.
