Holanda i është shtuar listës së vendeve që janë treguar skeptik ndaj vaksinës AstraZeneca. Pas dyshimeve që injeksioni shkakton mpiksje gjaku qeveria holandeze vendosi pezullimin deri me 29 mars, si një masë parandaluese.
Agjencia Evropiane e Barnave, e cila aktualisht po kryen një rishikim të efekteve anësore , njoftoi se përfitimet e vaksinës vazhdojnë të tejkalojnë rreziqet e saj.
Ndërkohë në Hagë qindra protestues u mblodhën për të kundërshtuar masat e izolimit të vendosura për të ndaluar e virusit.
Autoritetet pezulluan shërbimin e trenave në kryeqytet, për të parandaluar grumbullimin e protestuesve.
Protesta u përshkallëzua në përplasje dhe policia përdori ujin dhe shkopinjtë e gomës për të shpërndarë turmën.
Ndërkohë këtë të hënë qytetarët holandezë do ti drejtohen kutive të votimit për zgjedhjet parlamentare. Qendrat e votimit do të qëndrojnë të hapura për tre ditë, me qëllim që të mos ketë grumbullim të qytetarëve.
