Greqia është përballur me të tjera vatra zjarri. Gjatë mesnatës ishulli Kos është përfshirë nga flakët.
“Disa qindra njerëz u evakuuan nga hotelet e vendosura pranë fronteve të zjarrit në Kardamena, Kos dhe u dërguan në një vend të sigurt”, thanë autoritetet lokale.
Shkollat dhe rrugët e Antimakisë u mbushën me njerëz, ndërsa stadiumet u hapën për të pritur të shpëtuarit nga zjarret. Bashkia, institucionet dhe biznesmenët e ishullit dërguan ushqime dhe ujë , ndërsa të pranishëm ishin edhe zyrtarë të pushtetit vendor për të ofruar të gjithë ndihmën e shumë banorëve të Antimakisë, ndërkohë që ndihma kishte edhe nga ushtria.
Ndërkohë, Shoqata e Hoteleve në Kos po lufton për të gjetur dhoma të disponueshme në të gjithë ishullin . Hotelet kanë ofruar qendra konferencash, sallone, ambiente të përbashkëta për akomodimin e përkohshëm të turistëve dhe banorëve, me prioritet fëmijët dhe të moshuarit.