Një ditë pasi talebanët morën edhe kontrollin e Kabulit, Afganistani është përfundimisht nën sundimin e tyre.
Qeveria dhe forcat e sigurisë u dorëzuan brenda pak ditësh përballë ekstremistëve islamikë, të cilët tashmë kanë shpallur Emiratin e Afganistanit.
Në rrugët e Kabulit u panë që në orët e para të mëngjesit trupat talebane, të armatosur, të cilët patrullonin rrugët, për të siguruar, siç thonë ata, rendin dhe qetësinë e qytetarëve afganë.
Mijëra prej vendasve janë përpjekur të largohen nga ky fillim i ri, i cili për ta duket më tepër si një fund i hidhur i pranisë 20-vjeçare amerikane në vendin e tyre.
Advertisement
Kaosi në Afganistan, me njerëz të armatosur nëpër rrugë dhe të tjerë që duan të ikin, të kujton paksa Shqipërinë e ’97-s.
