Në SHBA, policia njoftoi të dielën se në qytetin Mineapolis një person humbi jetën dhe 11 të tjerë u plagosën nga të shtënat. Fotografitë dhe videot live të postuara në Facebook tregojnë viktimat të shtrirë në tokë dhe njerëzit duke i ndihmuar. Duken gjithashtu ndërtesa me xhama të thyera.
Motivi i ngjarjes është i panjohur dhe askush nuk është arrestuar. Më parë, policia njoftonte në Twitter: “10 persona në spitalet e zonës që kanë marrë plagë nga armë zjarri. Të gjithë janë gjallë me shkallë të ndryshme lëndimesh.”
Njerëzve iu kërkua të shmangin zonën e qytetit ku ndodhi ngjarja.
Mineapolis ka qenë në vemendje të mediave kohët e fundit sepse është qyteti ku humbi jetën afrikano-amerikani George Floyd, pas incidentit në të cilin një polic i bardhë i mbajti gjurin në qafë për më shumë se tetë minuta.
Qyteti shpërtheu në demonstrata dhe protesta të dhunshme duke i dhënë shkas demonstrimeve kundër racizmit në të gjithë botën. /VOA
** SHOOT UPDATE **
12 people have suffered gunshot wounds in an incident on 2900 block of Hennepin S. 1 adult male died and 11 have no -life-threatening woundsAdvertisement— Minneapolis Police (@MinneapolisPD) June 21, 2020
