Ish- e dashura e Justin Bieber dhe bashkëshortja e tij, Hailey Bieber, kanë bërë më në fund paqe.
Fotot e këngëtares dhe modeles duke pozuar së bashku kanë bërë xhiron e rrjetit në të gjithë botën.
Ato madje, pozuan edhe të përqafuara teksa ndodheshin në një event ku ishin të ftuara të dyja. Komentet, pro dhe kundër këtij veprimi ishin të pafundme në të gjitha rrjetet sociale.
Historitë e këngëtarit me famë botërore, Bieber me secilën nga partneret, mund të themi se kanë qenë ndër më të përfoluar në show-bizin botëror.
Fillimisht Bieber ishte i lidhur për disa vite me radhë me këngëtaren Gomez, ndërsa pas një krize me të, jo shumë kohë më vonë ai u martua me modelen Hailey.
Fotot e partneres dhe ish-partneres së tij kanë bërë kaq shumë bujë pasi marrëdhënia e tyre prej vitit 2018 nuk ka qenë e mirë.
Përveç komenteve të fansave, edhe ato vetë nuk i kanë kursyer ironitë me njëra tjetrën, por fotot e fundit na treguan diçka ndryshe.
Selena Gomez dhe Hailey Bieber kanë rënë në paqe, dhe jeta vazhdon.
