Një i porsalindur u gjet i pajetë të dielën mes shkëmbinjve në Villa San Giovanni (Reggio Calabria).
Foshnja ndodhej në një çantë shpine dhe ishte ende me kordonin e kërthizës të lidhur.
Mediet italiane raportojnë se nëna është një trembëdhjetë vjeçare me kombësi italiane.
Vajza u identifikua në shtëpinë e prindërve të saj në Villa San Giovanni dhe u dërgua në spital. Lindja ka ndodhur në rrethana ende të paqarta dhe hetuesit kanë nisur hetimet.
Hetuesit aktualisht po ruajnë konfidencialitet të rreptë në lidhje me detajet e çështjes. Nesër do të urdhërohet autopsia e trupit të të porsalindurit.
Qëllimi është të konstatohet nëse i porsalinduri ishte tashmë i vdekur kur u lind ose nëse vdekja ka ndodhur më pas. Dhe, në rastin e fundit, cilat kanë qenë shkaqet që e kanë shkaktuar atë./vizionplus.tv