Mijëra traktorë kanë dalë në rrugët e shumicës së qyteteve italiane, me fermerët që kërkojnë më shumë mbrojtje për produktet vendase, duke kundërshtuar rritjen e çmimit të naftës, por edhe të ashtuquajturën Marrëveshje të Gjelbër Evropiane, pra politikat bujqësore të BE-së, të cilat shihen si tepër penalizuese.
Siç bëhet e ditur nga Italia, pak ditë më parë fermerët ishin pramë bllokimit të rrugës kryesore të vendit, autostradës A1. Ndërsa tani janë të vendosur të përshkallëzojnë mobilizimet e tyre, duke lënë të hapur mundësinë e marshimit drejt Romës.
Nga ana e tij, ministri i Bujqësisë, Francesco Lollobrigida, deklaroi afërsinë e tij me fermerët, ndërsa bëri thirrje që të mos ndodhin akte dhune apo incidente ekstreme, si djegia e flamujve të organizatës së biznesit bujqësor Coldiretti që ndodhi këtë javë në Viterbo. Ditën e hënë ka ndërruar jetë një 56-vjeçar i cili ka ndërruar jetë teksa ka mbetur i bllokuar në trafikun e shkaktuar nga protesta e fermerëve në Kalabri. /vizionplus.tv