Familjarët e afro-amerikanit George Floyd, i cili humbi jetën nga brutaliteti i policisë në Mineapolis kanë publikuar rezultatet e një autopsie të pavarur të bërë.
Mjekët kanë arritur në përfundimin se 46 vjeçari vdiq nga asfiksimi i shkaktuar nga shtypja mbi qafë dhe shpinë.
Avokati i familjes informoi mediat për rezultatin. Ndërkohë që autopsia zyrtare kishte përjashtuar në vend të kësaj asfiksinë traumatike dhe mbytjen si shkaqe të vdekjes.
“Nuk ka elementë fizikë që mbështesin një diagnozë të asfiksimit traumatik ose mbytjes. Efektet e kombinuara të bllokimit nga policia, sëmundjet e kaluara dhe disa substanca toksike në trup kanë kontribuar në vdekjen e George Floyd”- shkruhej në kartelën mjeko ligjore.
Pas këtyre rezultateve familjarët e George Floyd nuk ishin dakord me rezultatet e autopsisë dhe nëpërmjet avokatit të tyre kërkuan të bëhej një autopsi e pavaruar.
