Bashkimi Europian është gjendur në një presion të vazhdueshëm për vonesën në miratimin e vaksinës gjermano-amerikane në një kohë kur disa vende të botës kanë nisur shpërndarjen prej më shumë se një jave tashmë.
Në këto kushte, Agjencia Europiane e Barnave vendosi t’i miratojë disi më herët vaksinat, atë të BioNTech dhe Pfizer nga 29 më 21 dhjetor dhe për vaksinën e prodhuesi amerikan Moderna nga 12 në 6 janar.
Bashkimi Europian kërkon një autorizim emergjent për vaksinat, por një “autorizim të kushtëzuar” sipas një “procedure të përshpejtuar”. Kjo do të thotë se prodhuesit nuk përjashtohen nga përgjegjësia për efektet anësore të vaksinës që prodhojnë.
SHBA, Britania e Madhe dhe një numër vendesh të tjera zgjodhën rrugën e shkurtër. Autoritetet e tyre shëndetësore e miratuan vaksinën e BioNTech dhe Pfizer për përdorim në raste emergjente. Kjo do të thotë që mjekët mund ta përdorin vaksinën para se të vlerësohen plotësisht të dhënat për sigurinë dhe efektet anësore. Kjo kursen kohë, por gjithashtu përmban dhe rreziqe.
Vendi i parë në rajon ku do të mbërrijnë dozat e para të vaksinës këtë të hënë, do të jetë Serbia. Ndërsa në Greqi më 21 dhjetor.