Ngjarja që tronditi përpara disa ditësh Pakistanin ka cuar në pranga punëdhënësin e Zohra Shah, 8-vjecarja që u rrah mizorisht deri sa dha shpirt për shkak se liroi dy papagaj. Episodi ndodhi në Rawalpindi, qyteti i katërt më i madh në vend.
Zohra që vinte nga fshat I varfër, punonte si shërbyese në shtëpinë e Hasan Siddiqui dhe gruas së tij, Umm Kulsoom. Ata e keqtrajtonin vazhdimisht, por situata për vogëlushen precipitoi deri në pikën kur s`ishte më kthim prapa në momentin që liroi dy papagaj. Mediat e huaja shkruajnë se me shumë gjasë, vajzës zogjte i kanë shpëtuar gabimisht.
Por gruas së punëdhënësit iu errën sytë kur pa kafazin bosh. Ajo iu vërsul vajzës e tërbuar, dhe më pas ndërhyri i shoqi për t`i dhënë 8 vjecares “ një mësim”. Vetëm pasi i kaloi zemërimi, vendosën më në fund ta cojnë në spital, por për vajzën ishte shumë vonë.
Ajo kishte plagë dhe dëmtime të shumta në fytyrë, në duar, brinjë dhe këmbë. Sipas shtypit lokal, mjekët I thanë policisë se duke marrë parasysh dëmtimet e diktuara në kofshë, ekziston dyshimi se Zohra ka qenë gjithashtu viktimë e agresioni seksual.