Ish-Presidenti i SHBA-së, Donald Trump feston sot 78-vjetorin.
Gjatë vizitës së tij në Kapitol një ditë para ditëlindjes, republikanët e surprizuan atë me një tortë ditëlindjeje.
Në vizitën e tij të parë në Capitol Hill që nga trazirat e 6 janarit 2021, Trump u takua me republikanët për të diskutuar strategjitë e fushatës përpara zgjedhjeve të nëntorit. Trump lavdëroi kryetarin e Dhomës së Përfaqësuesve, Mike Johnson dhe u zotua të ndihmojë republikanët “të fitojnë” në zgjedhjet e ardhshme.
Gjatë takimit Trump adresoi disa çështje kontestuese, duke përfshirë sigurinë kufitare, Kinën dhe abortin. Në lidhje me abortin, ai pranoi se çështja u kishte kushtuar republikanëve në zgjedhjet e kaluara dhe theksoi nevojën për politika të “mendimit të shëndoshë” që përfshijnë përjashtime për përdhunimin, inçestin dhe jetën e nënës.
Sot, Trump do të kalojë ditëlindjen e tij në Michigan, një shtet “beteje”. Ai do të flasë në Konventën e Popullit, e cila po mbahet nga Turning Point USA. Për nder të ditëlindjes së tij, Koalicioni Konservator MAGA planifikoi një paradë me varkë MAGA të shtunën në liqenin St. Clair.
Pavarësisht nga disponimi festiv mes mbështetësve të tij, ditëlindja dhe aktivitetet e fushatës së Trump vijnë në mes të polemikave të vazhdueshme politike./vizionplus.tv