![Dhjetëra familje te evakuuara në Itali si pasojë e motit të keq, probleme me qarkullimin dhe energjinë elektrike](https://www.vizionplus.tv/wp-content/uploads/2023/10/080257737-aa59feb8-921a-4db4-a795-10c9f83a9ea7-601x400.jpg)
Reshjet e mengjesit te se martes kanë shkaktuar përmbytje në disa zona të Milanos në Itali.
Një stuhi e madhe ka bërë që lumi Seveso të dalë nga shtrati, duke përmbytur rrugët.
Reshjet e shiut të shoqëruara dhe nga era kanë sjellë rrëzimin e disa pemëve.
Forcat zjarrfikëse kanë mundur të shpëtojnë një grua së bashku me 2 fëmijët e saj, e cila kishte mbetur e bllokuar në makinë për shkak të rënies së një peme nga erërat e forta.
Ndërkohë shumë njerëz janë evakuuar si masë paraprake për shkak të rritjes së ujërave të lumit.
Në rajonin e Lombardisë nënkalimet janë përmbytur, po ashtu ka ndërprerje të energjisë elektrike.
Evakuimet me te medha jane bere ne zonen e Brescias, ku deri mesditen e te martes kane kerkuar ndihme per tu larguar, 350 familje.
Moti i keq ka sjellë probleme për këmbësorët dhe qarkullimin e mjeteve.
Autoritetet lokale janë në gatishmëri dhe iu kanë bërë thirrje qytetarëve që të shmangin lëvizjet e panevojshme.
Stuhia dhe reshjet e shiut kane sjelle problemet me te medha ne rajonin e Lombardise qe nga viti 2014, sikurse shprehen autoritetet.