Gjymtyrë të coptuar dhe trupa të pajetë ishin pamjet që filmuan dronët dhe kamerat termike në vendin ku u rrëzua avioni me municione serbe.
Ne vendin e ngjarjes u filmuan gjithashtu edhe pjesë municionesh të shpërndara.
8 persona mbetën të vdekur nga ky aksident i rëndë.
Avioni i kompanisë ukrainase, i mbushur me municione serbe ishte nisur nga Serbia për në Bangladesh.
Në një deklaratë për mediat kryetari i bashkisë së Pangait, Filippos Anastasiadis ka bërë të ditur se është ndalur në një diametër prej 500m kalimi i automjeteve dhe banorëve në afërsi të zonës ku u rrëzua avioni.
Ndërkohë një kompani e posaçme e mbrojtjes biologjike ka mbërritur në vendin e ngjarjes dhe do të hetojë rrezikun që mbartin mbetjet e municioneve që transportoheshin në avion.