Pa “tym të bardhë”, siç pritej, përfundoi raundi i parë për zgjedhjen e presidentit të ri të Asamblesë Kombëtare të Francës, në të cilin ishin gjashtë kandidatë.
André Chasseni doli i pari, nga Fronti i Ri Popullor i së majtës, duke marrë 200 vota, ndërsa vendin e dytë, me 142 vota, e zuri Sebastien Senou në emër të Tubimit Kombëtar të ekstremit të djathtë të Marine Le Pen. I treti me 124 vota, presidenti në largim Yael Braun-Pivet nga partia e presidentit Macron dhe i katërti, me 48 vota, Philippe Jouvin nga republikanët. Në vendin e pestë, me 38 vota, doli Naima Moussou, e cila është anëtare e partisë Horizont që bashkëpunon me fraksionin Macron dhe i gjashti, me 18 vota, ishte Charles De Courçon, deputet i pavarur.
Menjëherë pas shpalljes së rezultateve të raundit të parë, ata njoftuan se Philippe Jouvin nga republikanët dhe Naima Moutsu nga Horizons po tërhiqen. Tërheqja e tyre vlerësohet të jetë kryesisht në favor të kandidatit të fraksionit Macron, Yael Braun-Pivet, i cili nuk mund të përjashtohet që në raundin e dytë të zërë vendin e parë, qoftë edhe me një diferencë të vogël. Dhe kjo pasi “Horizons” bashkëpunon me fraksionin Macron, ndërsa për sa u përket republikanëve, informacionet flasin se mund të bashkëpunojnë edhe me fraksionin Macron, duke marrë në këmbim disa prej “posteve” të rëndësishme të Asamblesë Kombëtare Franceze. Duke qenë se në dy raundet e para presidenti zgjidhet vetëm me kusht që ai ose ajo të mbledhë një shumicë absolute, ndoshta do të ketë një raund të tretë, ku tashmë zgjidhet i pari në vota mes kandidatëve. /vizionplus.tv
