Ndërsa mbretëresha Elizabeth II, e cila u kurorëzua në vitin 1953 është bërë 95 vjeç, njerëzit që jetojnë nën sundimin e saj mendojnë se çfarë do të ndodhë pasi shëndeti ose mosha e saj të mos e lejojnë më të kryejë detyrat e saj. Sigurisht, ka protokolle specifike, pasi Mbretëria e Bashkuar ka një linjë të përcaktuar të trashëgimisë.
Princi Charles është i pari në radhë për fronin ndërsa Princi William është i dyti dhe fëmijët e tij, George, Charlotte, vijnë më pas. Megjithatë, filozofia në botë po ndryshon dhe qytetarët e disa vendeve duan liderë më të rinj. Por, a vlen e njëjta gjë për Mbretërinë e Bashkuar? Në fund të fundit, Charles mund të mos dëshirojë të jetë mbret dhe skandalet mund të kenë ndikuar në mundësinë e tij për t’u bërë monark.
Megjithatë, britanikët kanë folur dhe ka një pamje të qartë se kë duan si mbretin e ardhshëm të vendit të tyre. Mbreti Charles ose Mbreti William: Kjo është situata aktuale me të cilën përballen qytetarët britanikë. Ndërsa Princi Charles është në radhë për fronin pas Mbretëreshës Elizabeth II, një sondazh i fundit i Daily Mail tregon se qytetarët britanikë duan vërtet që Princi William të ngjitet në fron në vend të babait të tij.
Sondazhi zbuloi se 41 për qind e të anketuarve besonin se William duhet të pasonte Mbretëreshën Elizabeth, ndërsa vetëm 30 për qind votuan për Charles. Sipas Njësisë së Kushtetutës në University College London, Charles mund t’ja dorëzojë fronin djalit të tij.
