Një gjykatë franceze dënoi me burg Damien Tarel, i cili u bë i njohur në të gjithë botën për shuplakën që i dha presidentit francez, Emmanuel Macron.
28-vjeçari doli para gjykatës këtë të enjte, ku trupa e gjyqtarëve i hoqi lirinë për katër muaj. Gjithashtu, për dy vite ai duhet të punojë, t’i nënshtrohet një trajnimi psikologjik dhe të mos shkelë më ligjin.
Advertisement
Atij po ashtu iu ndalua të mbajë armë për pesë vjet si edhe të ketë funksione publike. Tarel u akuzua për një sulm ndaj një zyrtari publik, vepër për të cilën në Francë dënohesh me maksimumin tre vjet burg dhe një gjobë deri në 45 mijë euro.
