Bullgaria ka thënë se do të mbyllë brenda një dekade 28 qendra për personat me probleme mendore dhe ata me nevoja të veçanta, pasi Këshilli i Evropës ka kritikuar ashpër kushtet në këto institucione.
Zyra e Prokurorit të Përgjithshëm ka nisur një deklaratë më 4 dhjetor, duke thënë se planifikon të mbyllë qendrat deri më 2027, për shkak të kushteve të këqija, duke përfshirë dhunën kundër pacientëve dhe keqpërdorimin me ilaçe.
Komiteti i Këshillit të Evropës i ka bërë thirrje Bullgarisë që të ndalojë përdorimin e zinxhirëve për të ndalur individët në qendrat për kujdes të shëndetit mendor, duke e cilësuar këtë praktikë “krejtësisht të papranueshme”.
Komiteti ka thënë në raportin e vet se një delegacion i tij ka vizituar disa qendra dhe ka dëgjuar pretendime se stafi “ka goditur” pacientët./ REL
