Basha këmbëkryq me Kryemadhin: Shqiptarët të derdhen këtu me ne, këtë herë s’do ta ndalojë dot Rama revoltën tonë popullore

Lulzim Basha tha sot se do të jetë pranë çdo proteste ku qytetarët dhunohen. Deklaratat u bënë teksa kreu i PD iu bashkua Monika Kryemadhit, duke u ulur në rrugën krah Ministrisë së Financave.

“I them Edi Ramës se ke shumëpak banditë ndaj nuk do e përballosh dot revoltën e popullit. Ata që ushtruan sot dhunë do të mbajnë përgjegjësi” – tha Basha ndër të tjera.

“Opozita ka qenë dhe është në ballë të detyrave të saj. Protestat tona kanë nisur tashmë. I bëj thirrje qytetarëve të dalin dhe të derdhen në rrugë. T’i tregojnë regjimit se Tirana nuk bie kurrë dhe ta mbrojnë qytetin” – shtoi kreu i PD.