Një ngjarje e rëndë ndodhi një natë më parë, ku pas një sulmi terrorist në tregun e Krishtlindjeve në Magdeburg, humbën jetën 5 persona dhe 200 të tjerë u plagosën.
Mediat gjermane raportojnë se mes viktimave të përplasur nga makina e dejtuar nga Talab.A ishte dhe një fëmijë 9-vjeçar.
Sa i përket kësaj ngjarjeje të rëndë ditën e sotme kanë dalë në një konferencë për mediat zyrtarët gjermanë për të dhënë detaje.
Horst Walter Nopens, prokuror i lartë publik, tha se duke ju referuar hetimeve të deritanishme, sfondi i krimit mund të ketë qenë pakënaqësia mbi mënyrën se si po trajtohen refugjatët nga Arabia Saudite në Gjermani”.
Siaps tij autori ka vepruar i vetëm. “Gjithçka tjetër në lidhje me motivin është objekt hetimi”, shtoi ai.
Ndërkohë Tom-Oliver Langhans, Drejtor i Policisë së Magdeburgut, shprehu ngushëllimet e tij për familjet e viktimave dhe i uroi shërim të shpejtë të gjithë të lënduarve.
Ai sqaroi se thirrja e parë e urgjencës është marrë në orën 19:02. “Telefonuesi fillimisht supozoi se kishte një aksident, “por ky më pas doli të ishte një skenar sulmi””, tha ai.
Spitali i Magdeburg në një njoftim të fundit shprehet “disa pacientë iu desh t’i nënshtroheshin një operacioni urgjent, disa tani janë në njësinë e kujdesit intensiv. Prof. Dr. Jörg Franke njoftoi: “Lajmi i mirë, të 11 personat e plagosur rëndë tani janë jashtë rrezikut për jetën”.
Një prej viktimave nga sulmi në tregun e Krishtlindjeve është një fëmijë 9 vjeç.
