Tashmë edhe fëmijët do të bëhen pjesë e studimeve mbi efektshmërinë e vaksinës kundër COVID-19. Në fund të këtij muaji, rreth 300 vullnetarë do të nisin testimet klinike për të parë se si vaksina e Universitetit të Oxford-it dhe kompanisë astrazeneca, funksionon tek moshat nën 18 vjeç.
Endrju Polard, profesor i infeksionit dhe imunitetit pediatrik, njëherësh kryeinspektor i provave klinike të vaksinës së Oxford-it ka theksuar se shumica e fëmijëve nuk preken nga COVID-19 dhe ka pak gjasa, që ata që preken, të kenë sëmundje të rëndë.
Por sipas tij, është e rëndësishme të kuptohet siguria dhe përgjigja imunitare nga vaksina tek fëmijët dhe adoleshentët. Vaksina e astrazenecas po përdoret në britani dhe vendet e bashkimit europian, së bashku me vaksinat e Pfizer/BioNTech.
