Numri i të vdekurve nga një tërmet i fuqishëm që goditi Turqinë perëndimore u rrit në 100 të martën, thanë autoritetet. Tërmeti me fuqi 7.0 shkallë të Rihterit, plagosi 994 persona, njoftoi Autoriteti për Sëmundje dhe Emergjenca i Turqisë.
Tërmeti ka goditur të premten, duke dridhur edhe pjesë të Greqisë. Rreth 147 persona janë duke u trajtuar në spitale.
Sipas agjencisë, punëtorët e shpëtimit në provincën Izmir po vazhdojnë të kërkojnë në pesë ndërtesa, për një numër të individëve të zhdukur.
Turqia ka raportuar mbi 1,464 tronditje pas tërmetit, duke përfshirë 44 që ishin me madhësi mbi katër shkallë.
Pasi dhjetëra ndërtesa u dëmtuan, mijëra banorë u detyruan të kalonin një natë të katërt në ambiente të hapura në Izmir.
Tërmeti është më vdekjeprurësi në Turqi këtë vit, pasi një tjetër goditi provincat lindore të Elazig dhe Malatya në janar, duke vrarë mbi 40 njerëz.
