![VIDEO/ Homazhet për Kadarenë, 40 deputetë nga Kosova të pranishëm në Tiranë](https://www.vizionplus.tv/wp-content/uploads/2024/07/konjufca-708x400.png)
Ditën e sotme në Teatrin Kombëtar të Operas dhe Baletit po mbahen homazhet për shkrimtarin Ismail Kadare, i cili u nda nga jeta këtë të hënë.
Të pranishëm kanë qenë figura shtetërore, familjarë, miq dhe qytetarë që i kanë dhënë lamtumirën e fundit gjeniut të letrave shqipe.
Ndërkohë, nga Kosova kanë ardhur 40 deputetë të Lëvizjes Vetëvendosje, teksa nderime do të bëjnë edhe kryeministri Albin Kurti dhe presidentja Vjosa Osmani.
Advertisement
Homazhet publike filluan në orën 09:00 në Teatrin Kombëtar të Operas, Baletit dhe Ansamblit Popullor. Ndërsa në orën 11:30 do të mbahet ceremonia shtetërore e Lamtumirës. Në orën 12:30 kortezhi do të niset në drejtim të varrezave të Tufinës.
/vizionplus.tv