Aktori i mirënjohur Reshat Arbana i cili iu nënshtrua një operacioni të vështirë, ka lënë ambientet e spitalit Universitar Nënë Tereza dhe fatmirësisht ndodhet në gjendje të stabilizuar shëndetësore.
Ministria e Shëndetësisë ka bërë me dije se ekipi mjekësor kreu ndërhyrjen përmes një terapie moderne të insufciencës kardiake, duke vendosur tre sonda elektrike në zemër që realizon sinkronizimin e tkurrjes së muskulit të zemrës në tërësi dhe që përmirëson funksionin e zemrës dhe cilësinë e jetës.
Gjithashtu mësohet se ndërhyrja delikate u realizua nga ekipi i mjekëve kardiologë dhe infermierë të Spitalit Universitar Nënë Tereza, Dr. Shk. Ormir Shurdha, Dr. Mirald Gina dhe infermiere Antuela Shkëmbi dhe Xhoana Xhanaku.
Advertisement
