Nis gara e “Gjeniut të Madh”/ Pese talentet e para konkurojnë me muzikë të zgjedhur

“Gjeniu i Madh” ngriti siparin e edicionit të parë mbrëmjen e së enjtes.

Nën emocionet e skenës por edhe etheve të garës, pesë pjesëmarrësit e parë interpretuan përpara jurisë profesioniste, ku u përballën dhe me komentet e tyre.

Përreth dy orë talentet e Gjeniut të Madh mbajtën të mbërthyer publikun para ekranit të Vizion Plus, duke sjellë disa prej këngëve më të bukura por dhe plot surpriza.

Për 12 javë 15 konkurrentët e përzgjedhur nga juria përmes audicioneve do të interpretojnë përballë njëri-tjetrit për të vijuar rrugëtimin drejt finales së madhe.

Spektakli “Gjeniu i Madh” ju lë takim sërish pas një jave, ku të tjerë emra dhe talente do të prezantohen për ju në orën 21 vetëm në Vizion Plus.