Lamtumira e fundit për Zef Dedën; homazhe në Shkodër në nderim të mjeshtrit të madh të humorit

Në teatrin “Migjeni” të Shkodrës u zhvilluan homazhe në nderim të mjeshtrit të madh të humorit Zef Deda, i ndarë nga jeta të premten.

Kolege, miq, familjare dhe qytetarë të Shkodrës i dhanë lamtumiren e fundit aktorit 73-vjeçar, i cili humbi betejën me sëmundjen e rëndë.

Mes lotësh kolegët kujtuan ikonën e humorit.

Në hollin e teatrit “Migjeni”, që ishte edhe “shtëpia e dytë” për artistin e ndjerë, ishin edhe drejtues të pushtetit vendorë sikurse kryebashkiaku Benet Beci, por edhe qytetarë të tjerë.

Zef Deda ka lënë gjurmë në skenën shqiptare përmes dhjetëra roleve që ai interpretoi në karrierën e tij të gjatë.