Për të katërtin vit radhazi karnavalet janë kthyer në një nga festat më të mëdha në Gjirokastër.
Me kostume shumëngjyrëshe të personazheve të dashur të kukullave dhe tingujt e muzikës, fëmijët i janë gëzuar atmosferës duke parakaluar në rrugët e kalldrëmta të pazarit karakteristik.
Nënkryetarja e bashkisë, Kristina Gushi, shprehet se veç rikthimit të traditës, festa synon edhe promovimin e vlerave turistike të qytetit.
Krahas vendasve që kanë shijuar atmosferën nuk kanë munguar edhe turistët.
“Shumë lezetshëm, më pëlqen. Është shumë kulturor. Ishte e mrekullueshme për ta parë si turist.Unë jam nga Skocia.”
Gjirokastra ka shtuar tashmë një tjetër festë në kalendarin e vet të organizimeve, gjallërimin e jetës artistike përgjatë stinës së dimrit dhe tërheqjen e vizitorëve turistikë në qytetin e gurtë./vizionplus.tv
