Ende nuk dihet çfarë do të vendosë Gjykata e Apelit në Shtip ndaj ankesave të Prokurorisë Publike të Koçanit lidhur me vendimin për zëvendësimin e masës së paraburgimit efektiv për dy ish-kryetarët e komunës së Koçanit Ratko Dimitrovski dhe Nikollço Iliev.
Që të dy nga paraburgimi u dërguan në arrest shtëpiak. Kjo ankesë është parashtruar nga Prokuroria Publike e Koçanit pasi paraprakisht duke vepruar sipas ankesave të gjithsej 17 të dyshuarve për zjarrin në diskotekën “Puls”, Gjykata Themelore e Koçanit refuzoi 14 ankesa duke e vërtetuar masën e paraburgimit, ndërsa për 3 persona masën paraburgim efektivi e zëvendësoi me masën paraburgim shtëpiak.
Përveç dy ish-kryetarëve të Komunës së Koçanit, në paraburgim shtëpiak shkon edhe ish-drejtoresha e Inspektoratit Shtetëror të Tregut, Aneta Simeska Dimoska.
Gjithsej 34 persona fizikë dhe tre persona juridikë janë të dyshuar për tragjedinë në Koçan, ku humbën jetën 59 persona.
The post Rasti i Koçanit, tre të dyshuar në arrest shtëpiak appeared first on Telegrafi.
