Ambasadori francez në vend, Christophe Le Rigolaire, konsideron se vendimi i Maqedonisë së Veriut për të votuar “abstenim” për dy rezolutat e OKB-së për luftën në Ukrainë, ndërsa bashkësponsorizohet ajo amerikane, është, të paktën, i papritur.
“Me të vërtet po drejtoni gishtin drejt një çështje të rëndësishme me votën e Maqedonisë në New York, e cila ishte e papritur për ne. Mendoj se duhet të përqendrohemi në temën që është e rëndësishme. Ekziston një domosdoshmëri për të dalë nga konflikti në Ukrainë, por ka edhe një temë më të rëndësishme, ajo është vlera që ne sot i japim në Evropë integritetit territorial, respektimit të sovranitetit, imperializmit të një fqinji ndaj tjetrit deri në mohimin e ekzistencës, identitetit dhe gjuhës së tij, dhe kjo është një temë që kërkon një përgjigje të vetme dhe të bashkuar evropiane.
Synimi i diplomacisë evropiane është pikërisht ruajtja e atij unitariteti dhe përqasja e njëjtë dhe e përbashkët që do të sigurojë siguri për kontinentin evropian në vitet e ardhshme për ne dhe fëmijët tanë”, tha Le Rigolaire në përgjigje të pyetjes së një gazetari në konferencën për shtyp me rastin e prezantimit të programit për festën e sivjetme të Frankofonisë.
Qeveria vendosi që Maqedonia të votojë “abstenim” në të dyja votimet, rezolutën amerikane dhe rezolutën evropiano-ukrainase për luftën në Ukrainë./Telegrafi/
The post Ambasadori francez: Ishte i papritur vendimi i Maqedonisë së Veriut për të votuar rezolutat e Ukrainës në OKB appeared first on Telegrafi.
