“Do të ketë kolaps total të gjyqësorit për 10 vitet e ardhshme, nëse vijon ky ritëm i mungesës së gjyqtarëve dhe moszgjedhjes së të rinjve”.
Këtë e ka treguar analiza e OJQ-së “Koalicioni të gjithë për proces të drejtë”, sipas të cilit në 5 vite nga drejtësia janë larguar 177 gjyqtarë në pension, ndërsa janë zgjedhur vetëm 52 prej kandidatëve të diplomuar nga Akademia për gjykatës dhe prokurorë publikë.
“Në vetëm 5 vjet, numri i gjyqtarëve është ulur me një çerek dhe në një apo dy dekada nga tani, gjykatat do të shemben jo vetëm nga mungesa e gjyqtarëve, por edhe nga mungesa e shërbimit gjyqësor publik. Është alarmante gjendja me personelin, burimet dhe kushtet e punës, jo vetëm në gjykata, por edhe në prokurori”, tha sot Lejla Tutiq nga “Të gjithë për një gjykim të drejtë” në prezantimin e analizës së burimeve në gjyqësor dhe në prokurorinë e Maqedonisë.
Ajo theksoi se për pesë vite, numri i gjyqtarëve u ul me një të katërtën.
Numri më i madh i gjyqtarëve (38) u larguan nga Gjykata e Apelit në Shkup. Por, në përqindje, më së shumti ka pësuar Apeli i Manastirit, nga ku ka eksod të gjyqtarëve prej 40 për qind krahasuar me vitin 2020.
Analiza e plotë e kësaj OJQ-je me të dhëna për autoritetet gjyqësore, ekzekutive dhe legjislative do të publikohet në nëntor./Telegrafi/
The post Brenda 10 viteve Maqedonia do të mbetet pa gjykatës appeared first on Telegrafi.
