Futbolli në Kosovë nuk ndryshon shumë nga ai në Shqipëri, kur vjen puna tek zënkat me arbitrin apo tifozët.
Një ngjarje e shëmtuar ka ndodhur sot gjatë ndeshjes së Superligës së Kosovës mes Prishtinës dhe Llapit, ku trajneri i kësaj të fundit, Tahir Batatina, ia faturoi humbjen 3-2 të skuadrës së tij arbitrit të sfidës, Genc Nuza.
Pas përfundimit të ndeshjes Batatina është sulur vrullshëm ndaj arbitrit me synim për ta goditur, por fatmirësisht është ndalur nga forcat e policisë që ndodheshin aty pranë..
Një skenë aspak e këndshme, e cila ka sjellë dhe reagimin e tifozëve në shkallët e stadiumit të cilët e kanë cilësuar të papranueshme sjelljen e trajnerit Batatina.
Skuadra e Llapit e ka nisur në mënyrën më të keqe të mundshme sezonin e ri, ku në katër sfida ka marrë vetëm 1 pikë.
