Përfaqësuesi i lartë i Bashkimit Evropian për politikën e jashtme dhe të sigurisë, Josep Borrell, propozoi që 27 vendet anëtare të vendosin sanksione ndaj anëtarëve të qeverisë izraelite.
Sanksionet e propozuara synojnë ministrin izraelit të financave Bezalel Smotrich dhe ministrin e Sigurisë Kombëtare Itamar.
Si Smotrich ashtu edhe Ben-Gvir së fundmi kanë shkaktuar bujë me deklarata anti-palestineze.
Ata janë partnerë të ekstremit të djathtë në koalicionin qeverisës të kryeministrit izraelit Benjamin Netanyahu.
Ben-Gvir kohët e fundit bëri thirrje për t’i dhënë fund dërgesave të ndihmave në Rripin e Gazës për të ushtruar presion mbi grupin islamik palestinez Hamas.
Smotrich bëri një deklaratë të ngjashme, duke propozuar një ngrirje të ndihmës derisa të lirohen të gjithë pengjet izraelitë të mbajtur nga Hamasi.
Ai argumentoi se bërja e një gjëje të tillë ishte moralisht e justifikuar, edhe nëse do të thoshte të vinte në rrezik jetën e 2 milionë njerëzve në Rripin e Gazës.
Sipas Izraelit, Hamasi ende mban 107 pengje në Gaza. Të paktën një e treta e tyre besohet se nuk jetojnë më./vizionplus.tv
