Aleanca për Shqiptarët-krahu i Selës tha se veprimet e Arben Taravarit në të kaluarën dhe tash nuk mund të cilësohen ndryshe përveç se, tradhti sistematike.
ASH-krahu i Selës tha se, çdo ditë jemi dëshmitarë për lirimin nga burgu të bandave të ngjarjeve të 27 prillit, nga pobratimi i tij, Aleksandër Pandov dhe shtoi se, dje Angelovin në liri, sot Çavkovin me arsyetimin e njëjtë gjoja se kanë nevojë për trajtim shëndetësor.
Ash-krahu i Selës pyeti Taravarin, që siç thonë, u rekruta si vazal e shërbetor nga Htistijan Mickovski apo ishe në listën e të rekrutuarve nga Nikolla Gruevski dhe Mickovski të gjeti gati të rekrutuar, ndërsa, anëtarët e ASH-së që u rreshtuan krah Taravarit i pyeti se, “A ndiheni krenar me aktet politike të këtij të shituri”.
“Kujt i paska shërbyer Taravari, miku i tij e liroi edhe Çavkovin.
Ska se si ta cilësojmë ndryshe vetëm se tradhti sistematike veprimet e Arben Taravarit në të kaluarën dhe tash. Tradhtia në Bogovinë në zgjedhjet lokale në vitin 2021, rrëzimi përtokë i ASH-së me ca të llojit të tij në Tetovë në vitin 2022, ikja me pasojë ndarjen e Aleancës për Shqiptarët, sipas skenarit të paralajmëruar të Hristijan Mickovskit dhe OBRM-PDUKM-së!
Lind pyetja a vetëm tani apo çdo herë ky shumëftyrësh i ka shërbyer OBRM-PDUKM-së?! Çdo ditë jemi dëshmitarë për lirimin nga burgu të bandave të ngjarjeve të 27 prillit, nga pobratimi i tij, Aleksandër Pandov. Me të drejtë po lind pyetja, u bëre tradhtar gjatë rrugëtimit në ASH apo erdhe si një i tillë, i infiltruar në ASH që në fillim? U rekrutove si vazal e shërbëtor nga Htistijan Mickovski apo ishe në listën e të rekrutuarve nga Nikolla Gruevski dhe Mickovski të gjeti gati të rekrutuar?! Dje Angelovin në liri, sot Çavkovin me arsyetimin e njëjtë gjoja se kanë nevojë për trajtim shëndetësor, mos ndoshta ti Arben ua jep edhe vërtetimet mjekësore?! Në qoftë se jo, je në krye të ministrisë për shëndetësi dhe po të pyesim a ke ngrit ndonjë komision për të vërtetuat a janë apo s’janë për trajtim mjekësor?”, thuhet në kumtesën e ASH-së.
The post ASH-krahu i Selës: Kujt i paska shërbyer Taravari, miku i tij e liroi edhe Çavkovin appeared first on Telegrafi.
