Ambasadorët në punën e të cilëve do të konstatohen parregullsi do të tërhiqen, deklaroi sot kryetari i Qeverisë, Hristijan Mickoski.
“Të njejtit do të tërhiqen. Ka shumë të tillë. Një pjesë e atyre parregullsive të cilat hetohen janë edhe parregullsitë në Ministrinë e Punëve të Jashtme, veprimi i organeve zyrtare të cilët ishin pjesë e MPB-së, si dhe disa nga ambasadorët të cilët, për fat të keq, më duhet të them kanë keqpërdorim të madh të mjeteve të qytetarëve nga Buxheti”, deklaroi kryeministri Mickoski, i cili ishte për vizitë në Kadastër.
Ambasadori dhe përfaqësues i përhershëm në KB Lubomir Fërçkovski dha dorëheqje me shkrim në Kabinetin e presidentes Gordana Siljanovska Davkova dhe në Ministrinë e Punëve të Jashtme.
Prej më parë, Fërçkovski ishte thirrur në bisedë në Ministrinë e Punëve të Jashtme dhe Tregtisë së Jashtme për parregullsi financiare në punën e përfaqësisë, por siç deklaroi ministri Timço Mucunski, biseda nuk është zhvilluar ende për arsye shëndetësore të ambasadorit.
Mucunski gjithashtu në bisedë u bëri thirrje edhe disa ambasadorëve tjerë.
The post Mickoski: Do të tërhiqen ambasadorët në punën e të cilëve do të konstatohen parregullsi appeared first on Telegrafi.
