Reperi Rigles Rajku, i njohur ndryshe si Noizy është liruar këtë të premte nga Gjykata e Durrësit. Kosova e ka shpallur atë në kërkim për dhunën që ka ushtruar ndaj personazhit të Tik Tok, Medi Iseni.
Seanca gjyqësore për Rigels Rajkun u zhvillua ditën e sotme, ndërsa për t’u liruar reperi ofron garanci pasurore 5 milionë lekë.
Ngjarja ndodhi mëngjesin e 2 gushtit në qytetin e Pejës, për shkak të ofendimeve në rrjetet sociale. Në kërkim për të njëjtën ngjarje është edhe reperi tjetër Arkimed Lushaj, njohur me emrin e tij të artit, Stresi.
Këngëtari u arrestua në Lezhë, ndërsa ka mohuar të jetë i përfshirë në ngjarje./vizionplus.tv
Vendimi i Gjykatës së Durrësit:
1. Pranimin e kërkesës së Prokurorisë pranë Gjykatës së Shkallës së Shkallës së Parë të Juridiksionit te Përgjithshëm Durrës.
2. Caktimin me qëllim ekstradimi, ndaj shtetasat R. Rajku, te masës së sigurimit “Garancia Pasurore parashikuar nga neni 237 i Kodit të Procedurës Penale si alternativë e masës së sigurimit “Arrest ne burg”,parashikuar nga neni 238 i Kodit të Procedurës Penale.
3. Grancia pasurore parashikuar nga neni 237 i Kodit te Procedurës Penale caitohet në shumën 5.000.000 pesë milion) Lekë.
4. Garancia pasurore duhet të depozitohet brenda nje afati 5 (pesë) ditor. Shtetasi R.Rajku të qëndrojë me mesë sigurimi “artest në burg”, deri në depozitimin e garancisë pasurore. Pas depozitimit të shumës përkatëse duhet të njoftohet menjehere prokurori, i cili në çdo rast jo më vonë se 24 orë nga njoftimi për depozitimin e shumës së garancisë pasurore, duhet të verifikojë dokumentacionin përkatës, dhe të urdhëroje, sipas rastit, lirimin e menjëhershëm te personit nën hetim ose konfirmimin e masës së sigurimit “Arrest në burg” parashikuar nga neni 258 i Kodit të Procedures Penale
Ngarkohet Prokuroria pranë Gjykatës së Shkalles së Parë te Juridiksionit të Përgjithshëm Durës në bashkëpunim me policinë gjyqësore për ekzekutimin e ketij vendimi.
6. Ky vendim t’i njoftohet menjëherë Ministrit të Drejtësisë së Republikës së Shqiperise.
1. Kundër këty vendimi mund të bëhet ankim brenda 5(pese) ditëve në Gjykatën e Apelit të Juridiksionit të Përguthshëm, duke filluar ky afat nga e nesermja e njoftimit të vendimit të arsyetuar.
U shpall në Durrës, më datë 16.08.2024.
