Euro prej një kohë të gjatë ka rënë në nivelet më të ulta, përgjatë dy viteve të fundit. Por sot monedha europiane ka prekur fundin.
Një euro sot po këmbehet me 100 lekë, vlera më e ulët e regjistruar ndonjëherë, duke bërë që të zhvlerësohet me afro 16% brenda dy vitesh.
Sipas kursit të Bankës së Shqipërisë tregtarët e blejnë euron me 99 lekë, dhe e shesin me 100 lekë.
Monedha evropiane vijon të zhvlerësohet pavarësisht se Banka e Shqipërisë ka ndërhyrë në treg duke blerë valutë për ta stabilizuar atë.
Advertisement
Investimet e huaja, paratë që vijnë në rrugë informale dhe turizmi, sipas ekspertëve, janë ndër faktorët kryesorë që ndikojnë në rënien e madhe të monedhës europiane./vizionplus.tv
